مطر هادي ... أبيض رمادي
يعتري غيوم السما من أمس ...
قلب معلق ونجوم خايفة من البلل والناس عادي
كل الكلام اختفى .. ما بقى للصوت همس
الليل فات والموعد مل من الوقوف بين زحمة
باقي المواعيد بأطراف الوادي
والشوارع تنتظر منا جنون أو لقا أو حتى رقص
تعال من جفن السما عطر كادي ...
تعال شوف المكان اللي نحبه هجرته خيوط الشمس
ياللي عيونك ماطرة وجفنك سحاب ،
كيف برد الشتا فيك انخلق ؟
ياللي نثرتك في سهر بشوق وعذاب ،
كيف حلمنا منا انسرق ؟
ودي تجمعنا الدروب وينفتح للحب باب
ودي تجمعنا الصدف ..
ودي يجمعنا الجنون ،
ودي نرجع من جديد .. بعدها ما نفترق
مطر هادي ... أبيض رمادي
يعتري غيوم السما من أمس
ليست هناك تعليقات:
إرسال تعليق