شهقة وهم

وينك انت ؟
وين كنت ؟
لو تصير بلحظة حلم
مرني بليلة دفا ... بساعة حنين
بس أشوفك !
تدري إني انتظرتك من زمان
انتظرتك بـ جنوني وبـ جروحي
وبـ أنين ...
لو أشوفك !
خلني أتخيل وصوفك
خلني أتعدى الخيال
خلني أرسم لنفسي صور تجمعني معك
قبل أشوفك ....
خلني أبكي ، خلني أسرح وأنجرح
وأذرف ألم
بعد أشوفك ....
تدري وش معنى أشوفك ؟
إني أملك كل ضحكات الزمن
وأحتفل وأنجن بك
وين أشوفك ؟
أبي روحك تنتشلني مني ، من ظلي وحزني
من تعب الوهم
تحتوي صمتي وهمسي
لـ كل شهقات السنين
وما أشوفك ....!